لله يا محسنين
شعر : محمد العقاد
لله يا محسنين .. يا محسنين لله
حنوا على المسكين
اللي الزمن سواه
سواه على الجنبين
لله يا محسنين
يخلف عليك بالحلال .. ياللي تجود بالمال
عاجز وعندى عيال .. غير الأسى والدين
لله يا محسنين
شحات ومش شغلتى .. لكن بقت صنعتي
بالعافية أشوف سكتي .. والعافية أجيبها منين
لله يا محسنين
من عطفه أخش زقاق .. ومن رواق لرواق
يا رب يا رزاق .. إعطف علي المساكين
لله يا محسنين
محتاج لترقية .. وعلاوة شهرية
مش خمسة % .. ولا عشرة ولا عشرين
لله يا محسنين
لا رسوب ولا إصلاح .. نافعين ولا منحة
طول ما الديون سبحة
ومعلقة ف طوقي
الصبر أجيبه منين
لله يا محسنين
*****
No comments:
Post a Comment